Txorierriko 3 kultur talde elkartu ziren aurreko barikuan. Larrabetzuko Gaztelumendi Abesbatzak ireki zeuen ekitaldia. Euren ostean Bertokok eta Hiru Bat Dantza Taldeak alkarregaz prestatutakoa aurkeztu zeurien, Baserri Antzokia dantza plaza paregabea bihurtuz.
Barikukoa gau ahaztezina izan zen Mixerabliak taldeak eskainitako kontzertuarekin. “Baserri Antzokiko Eszenara” jaialdiaren ostean publikoa dantzan jarri zuten, jai giroa berandura arte luzatuz.
Zoragarria pasa den barikuan bizi izandakoa Baserri Antzokian. Larrabetzuko Musika Eskolak, Derioko Iparralde Abesbatzak eta Derioko Lainomendi dantza taldeak elkarlanean prestatutako ekitaldiaz gozatzeko eta parte hartzeko aukera izan genuen gure “Baserri Antzokiko Eszenara”-ko lehenengo jaialdian.
Urtarrilaren 17an urtero ospatzen dugun Baserri Antzokiko bazkideen afarian elkartasuna izan zen nagusi. "Baserri Antzokiko Eszenara" jaialdiko parte-hartzaileen lana eskertu eta afariaz gozatu ondoren, Taberna Ibiltaria taldearekin kantuan ibili ginen. Mila esker hurbildu zineten guztioi.
Gau arrakastatsua izan zen azaroak 16an Asuako gazteek antolatu zutena Baserri Antzokian. Ibaik, Enarek, Inaziok ta Maddalenek bertso artean girotu zuten afalostea ikuslegoa partaide eginda eta Dj Munzak emon zion jarraipena festari. Ziurtasunez esan dezakegu inork ez zuela jaia amaitzeko gogorik izan, ezta dantza egiteari uzteko ere.
Azaroan Euskal Herriko Musika Bulego Elkarteak antolatu zuen formakuntzagaitik pozarren. Oraingoan, sexu-indakeria bezalako gai garrantzitsuen inguruan ikasteko biltzen direnentzako aterpe izan zan Baserri Antzokia. Eskerrik asko oholtzeko errealitatea ezagutzera emateagatik.
Plazer bat da musika taldearen ibilbidean, askotan izatea euren eta jarraitzaileen topaleku. Bai irailean eta bai azaroan jendeak gozatzea eta errepikatzeko gogoz joatea lortu zuten, hasi ziren egunean modu berdinean. Laster arte, beraz, Brutality Sound System!
Plazer hutsa izan zan gazte hauek (Txorierriko Hardcore.exe taldea, Kulto Kultibo, Garolo & Calero LDN eta Dj Loro) emondakoa eta hurreratu zineten danok gozatu zenduena. Pozarren etorri eta joatea garrantzitsua dalako. Eskerrik asko!
Entsaioak, saiakera bakoitza, urduritasunak, gogoak… merezi izan duela nabaritu zen oholtzara igo eta musikari ondo etorria emandako une beretik. ZORIONAK guztioi! Hemendik opa dizueguna da zuen pasio horretaz gozatzen eta ikasten jarraitzea. Era berean, Baserri Antzokia Fundazioa, hementxe duzue, antolatu nahi duzuen gauza txiki edo handietarako aterpe. Eskerrik asko Mupsic-eko irakasle eta ikasleei, eta ... [ Irakurri gehiago ]
Joan den asteburuan, 14 eta 15ean, gonbidatu ezberdinak izan genituen gurean: Soul musikarekin hasi, akustikoan jarraitu eta rock-aren zenbait bertsiorekin amaituta. Musika ezberdin eta berriak ezagutzeak zenbat aberasten gaituen. Eskerrik asko hiru ekitaldiengatik.
